“Paisola idek!” libertimendua

Mattin Irigoien

Martxoaren 1an, goizeko 11etarik landa,
Donapaleuko merkatu lekuko plaxotean

Donapaleun iragan diren azken toberak, 1991an izan dira, duela 18 urte!
Alda! errepikaldi batean topatu da, aurten Donapaleuko karriketan, Libertimenduaren bidez,
kultura mailan bizi berri bat ekarri nahi duen gazte talde batekin.
Hara beraz talde hortako kide diren Maia, Argitxu, Amaia eta Ibanen, zonbait gogoeta Libertimenduari buruz bai eta ere molde orokorrean ekitaldi kultural baten bizi arazteari buruz.

Zer da libertimendu bat?
"Ihauteri denboran egiten den antzerki mota bat. Tobera bezala plaza erdian emaiten dena! Libertimendua auzirik gabe bada ere, pertsonaia nagusi batzu atsemaiten dira: jauna, anderea, huxerrak, hartza (Donapaleukoan ez dugu). Dantzarien eta bertsolarien parte hartzea ere badu."

Eta noski zirtzilak?
"Bai, zirtzilen rola garrantzitsua da! Libertimenduan bi rola nagusi atxemaiten dira. Alde batetik zirtzilak (gaua, iluna, gauza txarrak, ele librea eta salatzeko prest dena ordezkatzen dutenak) eta beste aldetik dantzariak (argia, alaitasuna, ordrearen ikurrak direnak)."

Zeri buruz ari da "Paisola idek"?
"Amikuze eskualdeko auzo biziko eta ere jendarte orokorreko gai ezberdinak aipatzen dituen libertimendua da. Paisolaren metafora, Kakoren aferan agertu zen paisolatik etortzen da. Baina, azken aldietako euriak eta krisi ekonomikoak aterki horrekin ere badute zer ikusi!"

Noren parte hartzea izanen da?
“Kitzikazank antzerki taldearena, amikuzeko beste gazte batzurena, Burgaintzi taldeko dantzariena (kabalkada 10etarik aintzina igerilekutik abiatuko dutena) eta bertsulari gazteena (Bixente eta Mattin Luku, Bixente Hirigarai eta Txomin Elosegi).”

Nola sortu da Libertumenduaren egiteko ideia?
"Gutarik batzuk, duela lau urte Garaziko lizeoaren bidez hango Libertimenduan parte hartzeko parada ukan zuten. Bestalde, Kitzikazank antzerki taldeko kideak bagira ere. Kakoren aferan famatu bilakatu zen paisola ukaldiak gogoa eman zaukun zerbaiten egitea horren inguruan... Ondorioz Mattin Irigoien kitzikatu dugu zerbait idatz zezan eta Libertimenduaren sortzeko ideia indartu da.”

Ideiatik karrikara zein da ibilbidea?
"Azaroan testoa ezagutu dugu, landu eta gure ganatu. Hasieratik beraz 8 testu dunak inplikatu dira. Azken 3 hilabeteean, aste buru guziz kasik topatu gira testu dun eta beste parte hartzaileak Libertimenduaren lantzeko! Dantzari, antzerkilari, etab. konduan hartuz 40 gazte mugitu dira Libertimenduarentzat! Eguna Kabalkada eta Libertimenduarekin hasiz geroz untsa segitzeko, Donapaleuko ikastolak gure galdeari baikorki erantzun du eta bazkari alaitu batekin segi-tzeko parada ukanen dute nahi dutenek! Gainera, goizaldean euria balitz merkatu lekuko aterbean iraganen da Libertimendua."

Azken egunak hor direnez, zertan ari zirezte?
"Opor garaia denez kasik astean hirutan ari gira errepiketan. Euskal Irratietan abisuak eta afitxaketa kanpaina ere abian ezartzen ditugu.”

Plus
- Email
- Lien
- Imprimer

Mercredi 25 février 2009 3 25 /02 /Fév /2009 15:32

- Publié dans : Mouvement de jeunes thématique-Tokiko mugimenduak - Ecrire un commentaire - Voir les 0 commentaires

Précédent : Faire entendre nos revendications! Retour à l'accueil Suivant : Vie Associative

Hasiera

Eztabaidak/Débats

Commentaires

Zonbait Irudi!

Loturak/Liens

Argazkiak/Photos

Recommander

W3C