* Definizioa :
Laborantza Biologikoa izena XX.  mende erditsutan erabilia izaiten hasi da. Garai hartan, laborantza, jada produktibitatearen eskakizun teknikoen betetzeko gehigarri kimikoen erabiltzen ohituratua zen eta osagarriarentzat eta ingurumenarentzat egiten hasia zen kalteak ez zituen konduan hartzen. Horiek hola, Laborantza  Biologikoak ondoko printzipioak konduan hartzen ditu:
- naturan elementu artifizialak ez ditu sartzen.
- ez da bakarrik landarea elikatu behar, baizik eta bortxa gabe aire-ur-lur-landare-animale sistema kudeatu.
- animaleen erosotasuna errespetatu.
Bestalde, laborantzako ekintzetan behar da naturarekin oreka xekatu eta tokiko ingurumenaren aniztasuna eta berezitasuna konduan hartu. Azkenik, laborariak jokamolde autonomoa behar du gauzatu industria kimiko, hornitzaile eta aholkulariengan dependentzia murriztuz.
*Kontsumitzaileak :
Jendartearen gehiengo haundiak elikagaien sanotasuna eta naturaltasuna lotzen ditu Laborantza Biologikoari. Konfiantza eta iritzi on hori laborantza edo lan molde kontrolatu eta egiaztatu baten ondorioa da. Laborantza Biologikotik etortzen diren produktuak nahi badituzue ezagutu, ondoko markek edo ziurtagiriek lagunduko zaituzte.
*Laborariak :
Laborantza Biologikoak laborariari ez dizkio produktu kimiko kaltegarriak erabail araziko. Ondorioz laboraria lan baldintza sanoagoetan arizanen da lanean. Ber moldean,  joera autonomoa landuz, laborariak erabakiak hartzeko gaitasuna berreskuratuko du. Ez da industria kimikoaren lehentasunen arabera arizanen, baizik eta etxaldeko eta eskualdeko ingurumenaren ezagutzaren arabera.