• Gure Irratia  : 106,6 FM (Baiona)
• Antxeta Irratia : 89,7 FM (Hendaia)
• Irulegiko Irratia : 91,8 FM (Donibane-Garazi)
• Xiberoko Botza : 95,5 FM (Maule)

Asteko Programazioa (ikus PDF dokumentoa!) :

 Iparraldeko Euskal Irratien asteko programazioa - Irailaren 15etik goiti:  

Sartze berri honetan Euskal Irratiek, irrati euskaldunen sareak, baditu kanbiamen zonbait proposatzeko entzuleeri.

Goiz Berri magazin informatiboa, goizeko 7etan hasiko zauku. Pantxika Arranbide izanen da aurkezle eta arduraduna, Jokin Zaldunbide, eta, Pantzo Hirigarairekin batera. Gomitak, egunko berriak, ihardesgailua, nazioarteko prentsaren itzulia, edo solasaldia izanen ditu osagai nagusi, goizeko 9ak arte.

Eguerditan jokoak eta lehiaketak Titika Rekaltekin.

Arratsaldeko Bostetan, Jalgi Hadi, kultur emankizuna Maia Muruagak zuzendurik. Euskal kulturaren hitzordu nagusiak aipatzeaz gain, musika kronikak ukanen ditugu laguntzaileeri esker, bai eta, Euskal Kultur Erakundearen aipaldia.

Arratsaldeko 6etatik goiti, aktualitatearekin hitzordua Mattin Lartzabalekin ; eta 7etatik goiti, emankizunak : Astelehenetan Zer dioxu elkarrizketa saioa Menane Oxandabaratzekin ; Asteartetan, Punttuka, bertsularitzaz saioa Xan Alkatekin ; asteazkenetan, Gure Bazterrak, Luzien Etxezaharreta eta Jakes Cazebonekin ; Ostegunetan, Mintzaleku eztabaida saioa Jojo Bidartekin ; ostiraletan, Aitzur eta Jorra, laborarien emankizuna

Larunbatetan, Punpa Laster saioa, errugbiko aktualitatea, Peio Dospi eta Panpi Olaizolarekin, eta Punpa Xare, pilotaren aktualitatea, Olatz Idoaterekin.

Larunbat goizetan, hamaiketatik goiti, emankizun berri bat Kattalin Indaburuk zuzendurik : Aintzina. Eta ondotik Petzero, emankizun umoretsua Pantzo Hirigarairekin.

Larunbat arratsalde eta igande arratsaldetan kirola zuzenean, Kriztof Arotzarena  eta Xexili Foixekin.

---------------------------------------------------------------------------

Kontaktua elgarrizketentzat edo xehetasunentzat : Pepe Aizpuru (0630079610)

Maria Agnes Gorostiaga (0559371411)